भक्तपुर । नेपाली राजनीतिको आकाशमा एउटा यस्तो नाम, जसले चुनौतीलाई अवसरमा बदल्न जान्यो र भक्तपुरको भूगोललाई विकासको नक्सामा विश्वभर चिनायो, ती हुन् महेश बस्नेत। भक्तपुर क्षेत्र नम्बर २ बाट प्रतिनिधि सभाका लागि बलियो उम्मेदवारी प्रस्तुत गरेका बस्नेत यतिबेला केवल एक उम्मेदवार मात्र नभएर नेकपा एमालेको शक्तिशाली केन्द्रीय सचिवको रूपमा राष्ट्रिय राजनीतिको केन्द्रविन्दु बनेका छन्।
बिज्ञापन
पछिल्लो समय देशभरका युवा र कार्यकर्तामाझ ‘टाइगर’ उपनामले चर्चित बस्नेतले नेकपा एमालेको हालै सम्पन्न महाधिवेशनमा सचिव पदमा भारी मतान्तरका साथ विजय हासिल गरेर आफ्नो लोकप्रियताको प्रमाण दिइसकेका छन्। विशेषगरी ‘जेन-जी’ भनिने नयाँ पुस्ताको आन्दोलन र अन्य राजनीतिक उतारचढावका बीच जब अन्य दलका नेताहरू रक्षात्मक बनेका थिए, तब बस्नेतले निडर भएर मैदानमा उत्रिएर राजनीतिक दलहरूलाई पुनर्जीवन दिने वातावरण बनाए। उनको यही निडर र हक्की स्वभावका कारण उनलाई कार्यकर्ताले आफ्नो सुरक्षा कवच र भरोसाको केन्द्र मान्ने गरेका छन्।
बिज्ञापन
भक्तपुर २ को निर्वाचन यसपटक केवल एउटा प्रतिनिधिको छनोट मात्र नभई विकास र गतिशीलताको निरन्तरताको लडाइँ बनेको छ। बस्नेतले अघि सारेको हनुमन्ते करिडोर, अर्बौंका सडक पूर्वाधार, र भक्तपुरलाई आधुनिक शहर बनाउने सपनाले यतिबेला मूर्तरूप लिइरहेको छ। पूर्वमन्त्री समेत भैसकेका बस्नेतको केन्द्रीय सत्ता र शक्तिमा रहेको सिधा पहुँचले भक्तपुरको विकासमा राज्यको ढुकुटी ल्याउन सक्ने सामर्थ्य उनले पटक-पटक प्रमाणित गरिसकेका छन्।
हिजो २२ वर्षको उमेरमा गाविस अध्यक्ष बनेर सुरु भएको उनको यात्रा आज पार्टीको निर्णायक तहसम्म पुग्दा उनले थुप्रै उतारचढाव भोगे, तर कहिल्यै विचलित भएनन्। हार र जितभन्दा माथि उठेर सधैं जनताको सुख-दुःखमा साथ दिने बस्नेत भूकम्प र कोरोना जस्ता राष्ट्रिय विपत्तिमा पनि जनताको घरदैलोमा राहत बोकेर पुग्ने पहिलो नेता हुन्। विरोधीहरूले उनलाई आक्रामक भने पनि भक्तपुरबासीका लागि उनी विकासका ‘इन्जिनियर’ र संकटका ‘सारथी’ हुन्।
बिज्ञापन
भक्तपुरको अस्मिता रक्षा गर्न र यहाँको विकासको गतिलाई रोकिन नदिन यसपटक पनि क्षेत्र नम्बर २ का मतदाताहरूले ‘टाइगर’ महेश बस्नेतलाई नै आफ्नो निर्विकल्प नेताको रूपमा हेरेका छन्। एमालेको केन्द्रीय सचिवको उचाई र भक्तपुरप्रतिको उनको अगाध प्रेमले नै यसपटकको चुनावी मैदानमा उनलाई सबैभन्दा अगाडि उभ्याएको छ।
