सुर्खेत । पहिरोका कारण अवरुद्ध भएको कर्णाली राजमार्ग पुनः सञ्चालनमा आएको छ।
कर्णाली राजमार्गअन्तर्गत गगने खोलामा खसेको पहिरो हटाएपछि सडकमा रोकिएको यातायात सेवा पुनः सञ्चालनमा आएको हो। पहिरोका कारण राजमार्ग अवरुद्ध हुँदा यात्रु तथा मालवाहक सवारीसाधन बाटोमै रोकिएका थिए।
Advertisement
सम्बन्धित निकाय तथा सडक खुलाउने टोलीले आवश्यक उपकरण प्रयोग गरी पहिरो हटाएपछि सडक दुईतर्फी रूपमा सञ्चालनमा ल्याइएको जनाइएको छ।
कर्णाली क्षेत्रमा वर्षायाममा पहिरोका कारण राजमार्ग पटक–पटक अवरुद्ध हुँदै आएको छ। सडक खुलाइए पनि थप पहिरो तथा वर्षाका कारण यातायातमा पुनः समस्या आउन सक्ने भएकाले यात्रुहरूलाई सावधानी अपनाउन आग्रह गरिएको छ।
Advertisement
टिप्पणीहरू